Компанияның тарихы сонау 1998 жылдан басталады. Ол кездері Қазақстан Республиканың нарығында отандық алкогольсіз сусындардың өте қарапайым сұрыпталымы ұсынылған. Олардың сапасы айтарлықтай жақсы емес еді. «LibellaBottlersAlmaty» компаниясы сапаға мөлшерлеме белгілеп, жаңашыл тәсіл көрсетіп, дәрумендер кешені қосылған «Libella» сауда маркасының газдалған лимонадтар сериясын шығарды. Ол кездері бұл отандық компанияның тұтыншыларын өзінің табиғи дәмі мен әп-әдемі безендіруімен таң қалдырған жоғары сапалы өнімімен нарыққа алғаш рет қадам аттаған сирек жағдайлардың бірі болды. Соған қарамастан, бағасы аса қымбат емес еді. Сусындардың дәмі бірден ұнап, аз уақыттың ішінде қазақстандықтардың көңілінен шығып, жүректеріне жол тапты. Осылайша, 1951 жылы Германияда негізі қаланған бүкіл әлемге танымал «Libella» сауда маркасы біздің елімізді де жаулай бастады.

Бүгінде «LibellaBottlersAlmaty» өнімінің ондаған сауда маркалы сұрыпталымы бар. Олар тек Қазақстан Республикасының аумағында ғана емес, сонымен қатар, Ресей Федерациясы, Моңғолия мен Қырғызстанда да табысты сатылып жатыр. Өндірушілер арасында бұл компания ең алғашқы болып бұрынғы қағазға қарағанда анағұрлым сапалы полипропилен заттаңбаны пайдалануға көшіп, өндіріске SportCap пішіміндегі жаңа, ыңғайлы қақпаққа өтіп, ал сусындар құйылатын бөтелкені өз цехтарында экологиялық таза тағамдық пластиктен жасай бастады. «LibellaBottlersAlmaty» Қазақстанда ең алғаш болып құрамында С, PP, B5, B6, B9 дәрумендері мен табиғи шырын бар газдалмаған сусындар және сонымен қатар, бояғышсыз газдалған сусындар мен NearWater («Veroni» сериялы) дәрежесіндегі минералды сулар өндіре бастады. Оның бәрі компанияның сұрыпталымын толықтырып, тұтынушылар үшін жағымды жаңалыққа айналып, аз уақыттың ішінде көпшіліктің арасында танымалдылыққа ие болды.

«Libella» сауда маркасы дәмдердің сансыз түрленуімен, сапасымен қуантады: газдалған және газдалмаған «Натура» сусындары; құрамында таурин, кофеин мен дәрумендер кешені бар «ExtremeEnergy»; атақты газдалған сусын «Extreme Кола»; «Советский» лимонадының топтамасы; «Купеческий» сауда маркасының квасы; сонымен қатар, шырын, минералдар мен «Veroni» дәрумендеріне бай табиғи газдалған және газдалмаған су. Компанияның соңғы жетістіктерінің бірі – «Tofik» балалар сауда маркасының сұрыпталымы. Ол таза қанттан, В, Р, С дәрумендерінен дайындалған газдалмаған, құрамында шырыны бар сусын. Сонымен қатар, «FreshTea» сауда маркасымен шыққан «IceTea» (салқын шай) санатындағы сусындар. Дәмдердің сан алуандығы таң қалдырмай қоймайды: алма, алмұрт, шие, қара қарақат, шабдалы, анар, тропикалық дәмі бар сусындар, өрік, бала кезден келе жатқан сүйікті дәм дюшес, буратино, қаймақ қатқан құлпынай, экзотикалық мохито, лайм мен таңқурай, ал жаздың аптап ыстығында сергітетін салқын шай мен грейпфрут немесе құлпынай дәмі бар минералды су кез келген жанның жүрегін жаулап алары анық. Сондықтан «Libella» сауда маркасының сусындары қазақстандықтардың көңілінен шығып, үлкен сұранысқа ие болды.

Сапалы өнім туралы жылда өткізілетін маркетингтік белсенділіктің арқасында «LibellaBottlersAlmaty»-ны тек еліміздің түкпір-түкпірінде ғана емес, тысқары аймақтарда да біледі. 2014 жылдың ақпан айында «Libella» сауда маркасының сусындары Мәскеуде өткен «Продэкспо» халықаралық көрмеге қатысты. Бүгінде компанияның дистрибьютерлік желісі өз өнімдерін Ресей Федерациясының ең ірі төрт аймағында өткізіп жүр.

Өндіріс үдерісі технологиялық зертханадан басталады. Ол жерде білікті технологтар күнде жаңа өнімдер мен рецепттер ойлап табу жолында жұмыс істейді. Барлық өнім тағамдық ингредиент жөніндегі бүкіләлемге танымал әлемдік өндіруші «ADM WILD EuropeGmhH» компаниясының шикізаты негізінде өндіріледі. «LibellaBottlersAlmaty» компаниясының негізгі мақтанышы әрі даусыз артықшылығы – суында. Барлық сусындары сол судың негізінде өндіріледі. Тап-таза, ешқандай қоспасыз су өз ұңғымасынан алынады. Мемлекеттік стандартқа сай барлық тазалау дәрежесінен өтеді және сәйкестік сертификатымен расталған жоғары сапа көрсеткішіне ие. Осының арқасында компания тіпті балалар тағамына ұсынылатын сусындар шығарады. Балалар сусындарының қатары үнемі жаңа жемісті дәмдермен толықтырылып, жаңа, ерекше түрге ие болып жатыр. Бұл, сөзсіз, кішкентай, бірақ талғампаз тұтынушыларымыздың назарын аударады. 2007 жылы «LibellaBottlersAlmaty» жабдықтарын толықтай жаңартып, өнім өндірудегі жаңа, заманауи түрлеріне қол жеткізді. Ал 2013 жылы компания өндірісті жетілдіру үшін бірнеше ондаған миллион теңгесін инвестициялады. Қазіргі кезде «LibellaBottlersAlmaty» цехтары Чехия мен Германияның ең алдыңғы қатарлы европалық өндірушілерінің жаңа жабдықтарымен жабдықталған. Осының бәрінің арқасында өндіріс жаңа деңгейге көтерілді, өнім өндірудің көлемі артты, сапасы мен сыртқы көрінісі едәуір жақсарды.

Өндірісті инвестициялауды жалғастырған «LibellaBottlersAlmaty» компаниясы әзірге қазақстандық өзге кәсіпорындар үшін қолжетімсіз өндіріс сапасының жаңа деңгейіне көтерілді және өз өнімінің барлық түрін ешбір консервантсыз шығаруды ретке келтірді. Бүгінде нарығымызда мұндай экологиялық таза өнімдердің сирек кездесетіні жасырын дүние емес. Табыс табу жолында жарысқа түскен өндірушілер өнімнің өзіндік құнын түсіру үшін неше түрлі қоспалар пайдаланады, әрі соған қарамастан, бөлшек саудада жоғары бағаны сақтап қалады. Олармен салыстырғанда «LibellaBottlersAlmaty» компаниясы өз ісіне жауапкершілікпен қарап қана қоймай, «ұлттың саулығы» тіркесінің компания үшін бос сөз еместігін дәлелдеп келеді. Нәтижесі көзге көрініп тұр. Ерекше дәмді, қызықты, ең бастысы таза және тіпті балалар үшін де пайдалы, бағасы қолжетімді сусындар қазақстандықтар үшін күнделікті тұтынатын тағам түріне айналды. Мұндай танымалдылықтың құпиясы қарапайым. «LibellaBottlersAlmaty» компаниясының ұжымы өндіретін өнімнің бәрі де тұтынушыға деген шын ниетпен, ыстық ықыласпен дайындалады. Алкогольсіз сусындар өндіруде жаңашыл болуды мақсат тұтқан компания өндірісті жетілдіру жолында тұрақты түрде біршама инвестиция салып және жергілікті нарық үшін жыл сайын жаңа сусындар шығару арқылы бұл күрделі тапсырманың оңтайлы шешімін тауып келеді. Бүгінде Қазақстаннан да, елден тысқары аймақтан да дастарқанынан бүкіләлемге танымал «Libella» сауда маркасының дәмді сусынын үзбейтін отбасыларын көретініңіз айдан анық. Компания үшін бұдан асқан сый жоқ шығар, сірә!

Жоғары сапа мен жаңашылдығының арқасында «LibellaBottlersAlmaty» компаниясының өнімі бірнеше рет айтулы сыйлық пен марапаттарға лайық деп табылған. Соның ішінде, «Жыл таңдауы» да бар. 2013 жылы Қазақстан Республикасындағы бизнес-рейтинг нәтижесі бойынша ЖШС «LibellaBottlersAlmaty» үш номинация: «Активтер мен міндеттеме көрсеткіші», «Пайда көрсеткіші», «Активтер көрсеткіші» бойынша құрметті екінші орынға ие болды. Бұл осы аталған қызметтегі ең беделді марапаттардың бірі болып саналады, әрі тиісті элиталық белгімен расталады. 2014 жылы компания «Қазақстанның үздік тауары» атты көрмедегі байқау нәтижесі бойынша бірінші орынға ие болды. Сонымен қатар, «Libella» мен «Veroni» сауда маркаларымен «ҚР нарығындағы азық-түлік үздігі» байқауында жеңіске жетті. 2015 жылы «Тофик» сауда маркасы « Халық маркасы» байқауында «Шырындар мен құрамында шырыны бар сусындар» номинациясы бойынша жеңімпаз болды. Ал 2016 жылы LibellaBottlersAlmaty» компаниясы халықаралық «Сала үздігі» сертификатына және төсбелгісіне ие болды.